Міжнародны дыджытал праект “Вымяраючы гета: Гродна - Чарнаўцы – Кішынёў” пачаўся з уступнай сустрэчы ўдзельнікаў з Чарнаўцаў. Вялікую цікавасць да гісторыі горада праявілі чатыры студэнты факультэта журналістыкі і два вучні 10 і 11 класаў. Замест запланаванай тыднёвай майстэрні ў Чарнаўцах, семінар прайшоў анлайн з-за абмежаванняў звязаных з пандэміяй Covid-19.
Кіраўнік праекта Маркус Вінклер пазнаёміў удзельнікаў з ідэяй і задачамі семінара. Ён таксама падкрэсліў важнасць захавання памяці аб мінулым, каб яна магла стаць урокам для цяперашніх і будучых пакаленняў.
Падчас анлайн-сустрэчы ўдзельнікі распавялі пра сябе і сваю матывацыю ўдзела ў праекце, а таксама сустрэліся з арганізатарамі і калегамі з Беларусі і Малдовы. Пасля ўступнай часткі Раман Пазюк, дацэнт кафедры журналістыкі Чарнавіцкага нацыянальнага ўніверсітэта, прадставіў анлайн-платформы, якія каманда праекта будзе выкарыстоўваць для сувязі і абмену інфармацыяй.
Напрыканцы сустрэчы Мікалай Кушнір, кіраўнік Музея яўрэйскай гісторыі і культуры Букавіны, выступіў з дакладам пра канцэпцыі калектыўнай памяці і культуры памяці, а таксама пра іх ролю ў пабудове грамадскай супольнасці. Разам з удзельнікамі з Чарнаўцоў ён абмеркаваў асаблівасці мясцовай культуры памяці і распавёў ім пра найбольш важныя падзеі ў гісторыі мясцовай яўрэйскай абшчыны.
