У кастрычніку праца над мікрапраектаў па вызначаных тэмах уступіла ў актыўную фазу. Па-першае, яна заключалася ў пошуку і зборы неабходнай інфармацыі. Для гэтых мэтаў, удзельнікі наведалі мясцовы абласны архіў, бібліятэку (бо не ўсе кнігі ёсць у анлайн доступе), музей гісторыі яўрэяў Гродна. У выніку праведзенай работы быў сабраны значны матэрыял па тэме.
Другі этап працы ўключаў рэдагаванне і верыфікацыю сабраных звестак. У выніку праведзенай работы група, якая распрацоўвае тэму «Ghetto landmarks», падрыхтавала 12 тэкставых і аўдыёфайлаў, а таксама неабходныя суправаджальныя фотадакументы.
Па-трэцяе, для зняцця цяжкасцяў інфармацыйна-тэхналагічнага характару была праведзена сустрэча з нашым запрошаным спецыялістам у медыясферы Аляксеем Шотам.
Акрамя таго, у кастрычніку згодна агульнаму плану-графіку працы, удзельнікі праекта ажыццяўлялі анлайн сустрэчы са сваімі калегамі з іншых гарадоў. Вось, што пасля адной з такіх сустрэч адзначыў Мікіта Цімакоў:
«Мы абмеркавалі праблемныя палі даследавання, высветлілі, з якімі цяжкасцямі сутыкнуліся нашы калегі. Таксама стала вядома, што ў Малдове доўгі час улады хавалі існаванне гета і, пры вывучэнні гісторыі, гэтая праблема замоўчвалася. Мы ж сказалі, што падобнага ў нас ніколі не было, што ў нас у наяўнасці вялікая колькасць крыніц. У канцы мы падзяліліся адзін з адным практычнымі парадамі аб там як выбудаваць мадэль узаемадзеяння з улікам сваіх гістарычных умоў».
