Удзельнікі праекту з Рэспублікі Малдова падзеленыя на тры асобныя групы, кожная з якіх мае пэўнае заданне для выканання. Праца першай групы сфакусавана на картаграфаванні кішынёўскага гета. Сябры гэтай групы працуюць над стварэннем лічбавай інтэрактыўнай карты, якая будзе паказваць тэрыторыю гета. Для рэалізацыі гэтай галоўнай задачы, студэнты працуюць у горадзе – ім удалося вызначыць асноўныя архітэктурныя аб’екты для здымак з дапамогай дрона (сярод іх – сінагога «Хабад Любавіч», «Равіна Цырыльсона» і г.д.) і ўжо зрабілі серыю фота на тэрыторыі гета. У той жа час, група запланавала правесці шэраг сустрэч з экспертамі ў гэтай галіне, каб развіць тэму сваіх даследаванняў.
Другая група займаецца яшчэ адным важным аспектам існавання Кішынёўскага гета: досведам і лёсам тых, хто перажыў гэтую трагедыю. У сваёй запланаванай прэзентацыі «Гісторыі з гета» студэнты хочуць больш падрабязна прааналізаваць гэты прадмет праз успаміны тых, хто выжыў і іх нашчадкаў. Дзеля дасягнення гэтай мэты, сябры групы сабралі значную бібліяграфію для аналізу, вызначыліся з магчымасцю правядзення некалькіх інтэрв'ю з людзьмі, якія маюць дачыненне да гэтай тэмы, а таксама месцы для відыа- і фота- здымкаў. Сярод назапашанага матэрыялу – сведчанні, якія ў цяперашні час недаступныя на румынскай мове і зараз перакладаюцца ўдзельнікамі групы.
Удзельнікі трэцяй групы сфакусаваліся на тэме Камянёў спатыкнення ў горадзе Кішынёве. Студэнты вызначылі месца жыхарства і імёны грамадзян Кішынёва, якім была прысвечана ўстаноўка гэтых памятных сімвалаў: Мойша Берліянд і Бунія Брон. Удзельнікі групы зрабілі шэраг фотаздымкаў гэтых двух камянёў, а таксама будынкаў, у якіх жылі гэтыя ахвяры Халакосту. Канчатковай мэтай дзейнасці гэтай групы з’яўляецца стварэнне прэзентацыі з выкарыстаннем метаду індукцыі: аналізу тэмы ад адзінкавых фактаў да агульнага пункту гледжання.
