«Вымяраючы гета: Гродна – Чарнаўцы – Кішынёў» – гэта назва міжнароднага дыджытал-праекта, які стартаваў 9 кастрычніка 2020 года. У гэты дзень у трох гарадах сабраліся дваццаць студэнтаў з Украіны, Беларусі і Малдовы з мэтай пазнання гета ў іх краінах. У Кішынёве, на факультэце гісторыі і філасофіі Малдаўскага дзяржаўнага ўніверсітэта, сабраліся 9 маладых удзельнікаў, большасць з якіх студэнты-гісторыкі. Яны пазнаёміліся з іх калегамі з Украіны, Беларусі і Германіі і прадставілі сваю асабістую матывацыю адносна ўдзелу ў гэтым праекце.
У першы дзень уступнага семінара ўдзельнікі праслухалі даклады Мікалая Кушніра, дырэктара Чарнавіцкага музея гісторыі і культуры яўрэяў Букавіны (Чарнаўцы), пра феномен «калектыўнай памяці» і Галіны Корман, каардынатара праекта ў Малдове, аб культурнай памяці і мясцовай спецыфіцы гісторыі Халакоста на тэрыторыі Бесарабіі. Развітаўшыся ўвечары, удзельнікі зрабілі высновы аб тым, што ў гісторыі Рэспублікі Малдова засталося яшчэ досыць белых плям, сярод якіх і старонка гісторыі Халакоста.
